ការបង្កើតគណនីសំរាប់ចូលទៅប្រើប្រាស់ គេហទំព័រ
ឬកម្មវិធីលើបណ្តាញអិុនធឺណែតភាគច្រើនបំផុតត្រូវបានបើកទូលាយ
និងផ្តល់សិទ្ធិឲ្យអ្នកប្រើប្រាស់គ្រប់តំបន់ទូរទាំងពិភពលោក។ ប៉ុន្តែ
ចំពោះ Apple Store វិញមិនដូច្នោះទេ
វាផ្តល់សិទ្ធិដល់អ្នកប្រើប្រាស់តែក្នុងបណ្តាប្រទេសមួយចំនួន
ប៉ុណ្ណោះ។ ដូច្នេះ សំរាប់លោកអ្នកដែលនៅក្នុងប្រទេសកម្ពុជាវិញ
មិនអាចបង្កើតវាបានដោយសេរីឡើយ គឺទាមទារឲ្យមាន Credit Card។
ដើម្បីដោះស្រាយបញ្ហានេះ
ក្រុមការងារយើងខ្ញុំសូមលើកយកពីគន្លឹះដែលលោកអ្នកត្រូវតែអនុវត្តន៍តាម
លំដាប់លំដោយដើម្បីអាចឲ្យ iDevice (iPhone, iPod Touch & iPad)
អាចបង្កើតគណនីនេះបានដោយសេរីបើទោះជាគ្មាន Credit Card ក៏ដោយៈ
របៀបអនុវត្តន៍ៈ
1- ជាដំបូង សូមបើកដំណើរការកម្មវិធី App Store លើទូរស័ព្ទ iPhone, iPod Touch ឬ iPad របស់លោកអ្នក
2- បន្ទាប់មក ស្វែងរកកម្មវិធីណាមួយដែលដាក់ឲ្យដោនឡដដោយឥតគិតថ្លៃ (Free)
3- មុនពេលបន្តទៅជំហានមួយទៀត លោកអ្នកត្រូវធ្វើការដោនឡដ និងដំឡើងកម្មវិធី Free នេះជាមុនសិន ដោយចុចលើប៊ូតុង Free -> Install
4- បន្ទាប់មក សូមចុចលើ Create New Apple ID
5- បន្ទាប់មកទៀត សូមជ្រើសរើសប្រទេស United States រួចចុចលើប៊ូតុង Done -> Next
បញ្ចាក់ៈ ការបង្កើតគណនី Apple Store ដោយគ្មាន Credit Card
គឺផ្តល់ចំពោះប្រទេសមួយចំនួនដូចជា Japan, Canada, United States ជាដើម
ដូច្នេះ លោកអ្នកត្រូវជ្រើសរើសប្រទេសណាមួយក្នុងចំណោមនោះ។
6- បន្ទាប់មក លោកអ្នកចាំបាច់អាន
និងយល់ព្រមលើលក្ខខណ្ឌរបស់ Apple Store នេះជាមុខសិន រួចចុចលើប៊ូតុង
Agree នៅខាងក្រោមផ្ទាំងកម្មវិធីដើម្បីបន្តទៅជំហានមួយទៀត
7- ក្រោមផ្ទាំងកម្មវិធី New Account
សូមបញ្ចូលអាសយដ្ឋានអីុមែល (email address), សំនួរសុវត្ថភាព (security
question), ថ្ងៃកំណើត (birthday) និងបង្កើត Password (លេខសម្ងាត់)
រួចបន្តចុចលើប៊ូតុង Next
8- បន្ទាប់មក ក្នុងចន្លោះ Credit Card សូមជ្រើសរើសយក
None ហើយព្យយាមបំពេញព័ត៌មានមួយចំនួនតាមចិត្តលោកអ្នក
ប៉ុន្តែធ្វើយ៉ាងណាឲ្យត្រូវតាមទំរង់ដែលទាមទារ រួចបន្តចុចលើប៊ូតុង
Next
9- បន្ទាប់មកទៀត នឹងមានសារមួយបង្ហាញឡើង
នែនាំឲ្យលោកអ្នកបន្តចូលទៅកាន់អាសយដ្ឋានអុីមែលដែលបានបំពេញខាងលើ
ដើម្បីធ្វើការផ្ទៀងផ្ទាត់ និងដើម្បីអាចប្រើប្រាស់គណនីរបស់ Apple Store
ដែលបានបង្កើតនោះ សូមចុចលើប៊ូតុង Done នៅខាងលើផ្ទាំងកម្មវិធីនេះ។
10- សូមបើកអាសយដ្ឋានអីុមែលដែលបានបំពេញខាងលើ
តាមកម្មវិធី Safari រួចចូលទៅកាន់ Inbox
នោះលោកអ្នកនឹងឃើញសារថ្មីមួយដែល Apple Store បានផ្ញើមក
11- សូមបើកសារនោះ រួចចុចលើពាក្យ Verify now បន្ទាប់មក
ក្នុងប្រអប់ Apple ID និង Password សូមបំពេញឈ្មោះអីុមែល
និងលេខសម្ងាត់ដែលលោកអ្នកបានបង្កើតខាងលើ រួចបន្តចុចលើប៊ូតុង Verify
Address ជាការស្រេច។
12- បន្ទាប់ពីការបង្កើតគណនី Apple Store បានជោគជ័យហើយ
លោកអ្នកនឹងអាចរីករាយជាមួយកម្មវិធី iTune, iBook និង App Store
នៅលើទូរស័ព្ទ iPhone, iPod Touch & iPad
ឬលើម៉ាស៊ីនកុំព្យូទ័រជាមិនខាន៕
0 comments:
Post a Comment