ស្វែងយល់ពី WampServer

WampServer គឺជា mini-server ដែល​អាច run បាន​ស្ទើរតែ​គ្រប់ operating system ។ គេ​ប្រើ​វាជាមួយនឹង PHP script language ហើយ​នៅពេល​ដែល​យើងដំឡើង WampServer វាមាន services ជា​ច្រើន​ដូចជា Apache, MySQL, PHP, PHPMyAdmin, SqlBuddy និង XDebug ។
• Apache ៖ គឺជា web server ដែល​គេ​ប្រើ​សម្រាប់​ផ្ដល់ services ឲ្យ client request និង response
• MySQL ៖ គឺជាអ្នករក្សាទុកទិន្នរបស់ website
• PHP ៖ គឺជា script language ដែល​ដំណើរការ​នៅលើ web server ហើយវាជាអ្នក​ដែល​ធ្វើ​ឲ្យ web page មានលក្ខណៈ Dynamic តាមរយៈការ​ទាញយក​ទិន្នន័យពីមូលដ្ឋានទិន្នន័យ (ពី Database)
• PHPMyAdmin ៖ គឺជា web application ដែល​គ្រប់គ្រង​ទៅលើ​មួលដ្ឋានទិន្នន័យ
• SqlBuddy ៖ គឺជា web application មួយសម្រាប់​ធ្វើការ​គ្រប់គ្រង​ទៅលើ​មួលដ្ឋានទិន្នន័យ ដែល​ដំណើរការទៅបានដោយមាន apache web server ហើយវាមានលក្ខណៈដូច PHPMyAdmin ដែរ
• XDebug៖  សម្រាប់​ឲ្យ​យើងអាច debug កូដ (រកឃើញកំហុស) របស់ PHP ។

 ក្រៅពី WampServer ក៏​មាន​នូវ​កម្មវិធី​មួយចំនួនទៀត​ដែល​ដូចនឹង WampServer នេះដែរ ដូចជា XAMPP, LAMP, EasyPHP ។ ល ។
ការដំឡើង
ដំបូងត្រូវ Copy file setup wampserver ចេញពីស៊ីឌីទស្សនាវដ្ដីអាន លេខ៣៦ ឬ download ចេញពី website (http://www.wampserver.com/en/)
បន្ទាប់មកចុចពីរដង​ទៅលើ file set up នោះវានឹង​បង្ហាញ​ផ្ទាំង​ដូច​ខាងក្រោម ៖

ចុច Next ដើម្បី​បន្ដដំណើរការ

តាមរយៈ​ផ្ទាំង​ខាងលើជ្រើសយក I accept the agreement រួចចុច Next  វានឹង​បង្ហាញ​ ផ្ទាំង​ដូច​ខាងក្រោម​ ហើយយើងអាចកំណត់ទីតាំង file set up  រួចចុច Next

ចុច Next

​ជ្រើសរើស​យក default មានស្រាប់រួចចុច Next

ចុច Unblock

ចុច Finish

ការ Configure ផ្សេងៗ​
ដើម្បី​ធ្វើការ configure port បានយើងត្រូវមើល​ទៅលើ task bar រូចចុចលើ icon  Apache -> httpd.conf -> រកមើលពាក្យ  Listen រួច​ធ្វើការ​កំណត់ port ដោយខ្លួនឯងដូចរូប​ខាងក្រោម​៖


ត្រួត​ពិនិត្យ​មើល WampServer ដំណើរការហើយ ឬ​នៅ
ដើម្បី​ដឹងថា WampServer ដំណើរការយើងត្រូវដឹងពីពណ៌ទាំងបីរបស់ WampServer នៅលើ task bar សិន
1. ពណ៌ក្រហមមានន័យថា WampServer offline (វាមិនដំណើការ)

2. ពណ៌លឿងមានន័យថា WampServer នៅតែ offline ហើយរួមទាំង services ទាំងអស់ របស់ Apache, PHP, MySql មិនទាន់បានចាប់ផ្តើមនៅឡើយទេ

3. ពណ៌បៃតងមានន័យថា service ទាំងអស់​ដំណើរការ

ការ​ប្រើ​ប្រាស់ PHPMyAdmin
ដើម្បី​ធ្វើការ​ប្រើ​ប្រាស់ PHPMyAdmin បានយើងត្រូវធ្វើតាមដំណាក់កាលដូច​ខាងក្រោម​៖
ដំបូងត្រូវ Start Service របស់ wampserver ដោយ​ធ្វើការ Double Click icon របស់ wampserver
បន្ទាប់មកបើក browser រួចវាយ url (http://localhost:8182) នៅ​ក្នុង​ប្រអប់ address វានិង​បង្ហាញ ដូចរូប ខាងក្រោម​៖


ការ run php នៅលើ wampserver
ដើម្បី run file  PHP បាន យើងត្រូវ​ធ្វើការ copy file php ដែល​បាន​បង្កើត​ដាក់នៅ​ក្នុង C:\wamp\www បន្ទាប់មកទៀតបើក web browser រួច​ធ្វើការ​វាយ url ដូច​ខាងក្រោម​៖
url (http://localhost:8182/testign.php)


ចំណាំ៖ testing.php ជា file ដែល​យើងបាន​បង្កើត​
*** ដកស្រង់ចេញពីទស្សនាវដ្ដីអាន-ANT ច្បាប់​ទី៣៦ សម្រាប់ខែមិនា ឆ្នាំ​២០១២
*** software និងវីដេអូសម្រាប់ការអនុវត្ដន៍ ជា​ច្រើន​ទៀតមាន​ក្នុង​ស៊ីឌីទស្សនាវដ្ដីអាន-ANT
ប្រភពៈ​ www.antkh.com