សាមញ្ញានុមោទនាគាថា

 

សព្វីតិយោ វិវជ្ជន្តុ សូមឲ្យចង្រៃទាំងពួងទាំងឡាយ ប្រាស់ចេញ គឺថាចូរឲ្យចៀសវាង ចេញឆ្ងាយទៅ

សព្វរោគោ វិនស្សតុ សូមឲ្យរោគទាំងពួង (របស់អ្នក) ជាសះស្បើយទៅ

មា តេ ភវត្វន្តរាយោ អន្តរាយកុំបីមានដល់អ្នកឡើយ

សុខី ទីឃាយុកោ ភវ សូមឲ្យអ្នកជាបុគ្គលមានសេចក្តីសុខ មានអាយុវែង

អភិវាទនសីលេស្ស និច្ចំ វុឌ្ឍាបចាយិនោ ចត្តារោ ធម្មា វឌ្ឍន្តិ អាយុ វណ្ណោ សុខំ ពលំ ធម៌គឺពរទាំងឡាយ ៤ ប្រការ គឺអាយុ ១ ពណ៌សម្បុរកាយ ១ សេចក្តីសុខ ១ កម្លាំង ១ រមែងចម្រើនអស់កាលជានិច្ច​ ដល់អ្នកដែលមានសេចក្តីឱនកាយ ថ្វាយបង្គំដល់ព្រះរតនត្រ័យជាប្រក្រតី និងអ្នកដែលមានសេចក្តីគោរព​កោតក្រែងដល់បុគ្គល ដែលជាអ្នកមានសេចក្តីចម្រើនដោយគុណ មានសីលគុណ ជាដើម ឬដែលចម្រើនដោយវ័យ គឺចាស់ព្រឹទ្ធាចារ្យ ។